కార్తిక్ ఆర్యన్.. ఇతని గురించి మన తెలుగువారికి పెద్దగా తెలీకపోవచ్చు కానీ బాలీవుడ్లో ఇతని కోసం పడి చచ్చేవారు చాలా మంది ఉన్నారు. బాలీవుడ్లో ఇప్పుడున్న హీరోల్లో అంత అందగాడు మరొకరు లేరనేది ఫ్యాన్స్ వాదన. అందుకే అతనికున్న క్రేజ్ని దృష్టిలో పెట్టుకుని నిర్మాతలు, డైరెక్టర్లు కార్తిక్ కోసం క్యూలో నిలబడుతున్నారు. అతను కథానాయకుడిగా నటించిన ‘పతి పత్ని ఔర్ వో’ సినిమా శుక్రవారం విడుదలైంది. సినిమాకు మంచి టాక్ వస్తోంది. ఈ సందర్భంగా ఓ షోలో పాల్గొన్న కార్తిక్ తన ఇష్టాయిష్టాలను పంచుకున్నాడు. ‘నాకు జీవితంలో యాక్టింగ్ కావాలి, సెక్స్ కూడా కావాలి. ఈ రెండే నాకు బ్రెడ్, బటర్తో సమానం. రెండింటినీ సమానంగా చూస్తాను. నాకు నా వ్యక్తిగత జీవితం గురించి ఎక్కువగా మాట్లాడటం నచ్చదు. అలాగని నేను ఏమీ దాచను. బయట ఫొటోగ్రాఫర్లు ఉంటారు అని భయపడి నాకు నచ్చిన వారితో రెస్టారెంట్లకు వెళ్లకుండా ఉండలేను’ అని తెలిపాడు. కార్తిక్కు ఇప్పటికే ఎంతో మంది అమ్మాయిలతో లింకులు పెట్టేశారు. బాలీవుడ్ నటి సారా అలీ ఖాన్, కార్తిక్ ప్రేమించుకుంటున్నారని జోరుగా ప్రచారం జరుగుతోంది. ఆ తర్వాత విడిపోయారు అన్నారు. ఆ తర్వాత మరో నటి అయిన అనన్య పాండేతో కార్తిక్ డేటింగ్ చేస్తున్నారని అన్నారు. సినిమాల విషయంలో వీరికి ఎంత పాపులారిటీ వస్తోందో తెలీదు కానీ లింకప్ రూమర్స్ విషయంలో మాత్రం అక్కడి మీడియా వర్గాలు వార్తలు తెగ రాసి పడేస్తుంటారు. ఈ విషయంపై కార్తిక్ స్పందిస్తూ.. వారు అలా రాయకపోతే బాధపడాలి అని వెటకారంగా అన్నాడు.
from Telugu Movie News | Movie News in Telugu | Movie Gossips in Telugu https://ift.tt/2OXU7Ef
No comments:
Post a Comment