హిట్టు కోసం పరితపిస్తోన్న యంగ్ హీరో నితిన్ దాహం తీరిందా? ఒక పక్కా కమర్షియల్ సినిమా కోసం ఎన్నాళ్ల నుంచో ఎదురుచూస్తోన్న నితిన్ అభిమానులకు విందు భోజనంలా ‘భీష్మ’ ఉందా? మొత్తానికి నితిన్ గట్టిగానే హిట్టు కొట్టారా? అంటే ఔననే అంటున్నారు. నితిన్, రష్మిక మందన హీరోహీరోయిన్లుగా నటించిన చిత్రం ‘భీష్మ’. ‘ఛలో’ సినిమాతో ప్రేక్షకులను కడుపుబ్బా నవ్వించి విమర్శకుల ప్రశంసలు అందుకున్న దర్శకుడు వెంకీ కుడుముల ఈ సినిమాకు దర్శకత్వం వహించారు. సితార ఎంటర్టైన్మెంట్స్ బ్యానర్పై సూర్యదేవర నాగవంశీ ఈ చిత్రాన్ని నిర్మించారు. పాటలు, ట్రైలర్కు ప్రేక్షకులను విపరీతంగా ఆకట్టుకోవడం.. ప్రచార కార్యక్రమాలను కూడా బాగా నిర్వహించడంతో ‘భీష్మ’పై అంచనాలు భారీగా ఏర్పడ్డాయి. ఈ అంచనాలను ‘భీష్మ’ అందుకుందని సినిమా చూసినవాళ్లు అంటున్నారు. మహాశివరాత్రి కానుకగా శుక్రవారం ‘భీష్మ’ ప్రేక్షకుల ముందుకు వచ్చింది. ఇప్పటికే యూఎస్లో ప్రీమియర్ షోలు మొదలైపోయాయి. అక్కడ సినిమా చూసినవాళ్లు ట్విట్టర్ ద్వారా తమ అభిప్రాయాలను వెల్లడిస్తున్నారు. సినిమా చాలా బాగుందని, కామెడీ అదిరిపోయిందని ట్వీట్లు చేస్తున్నారు. Also Read: ఫస్టాఫ్లో కామెడీ అదిరింది.. ‘భీష్మ’ ఫస్టాఫ్ అదిరిపోయిందట. మరో ‘గుండెజారి గల్లంతయ్యిందే’ రేంజ్ కామెడీ అట. ఫస్టాఫ్ అంతా కడుపుబ్బా నవ్వించేశారట. ఇంటర్వెల్ ట్విస్ట్ కూడా అదిరిపోయిందని అంటున్నారు. ఫస్టాఫ్ అంతా టైమ్ పాస్ స్టఫ్ అని కొంత మంది ట్వీట్లు చేస్తున్నారు. ఎక్కడా బోర్ కొట్టించకుండా సరదా సరదా సన్నివేశాలతో దర్శకుడు లాగించేశారట. ఇక నితిన్ క్యారెక్టరైజేషన్ అయితే సూపర్ అని అంటున్నారు. చాలా రోజుల తర్వాత నితిన్కు పర్ఫెక్ట్ రోల్ దొరికిందని చెబుతున్నారు. ఆ పాత్రలో నితిన్ కూడా అదరగొట్టేశారట. సింగిల్స్ సాంగ్ పిక్చరైజేషన్ చాలా బాగుందని కొంత మంది అంటున్నారు. సెకండాఫ్లో అసలు కథ ఫస్టాఫ్ అంతా కామెడీ, లవ్ ట్రాక్తో లాక్కెళ్లిన దర్శకుడు సెకండాఫ్లో అసలు కథలోకి తీసుకెళ్లారని ట్వీట్ల ద్వారా తెలుస్తోంది. సెకండాఫ్లో కొంచె ల్యాగ్ ఉన్నా దాన్ని కూడా కమర్షియల్ ఎలిమెంట్స్, కామెడీతో కవర్ చేసేశారట. మొత్తంగా చూసుకుంటే బొమ్మ హిట్టు అని అంటున్నారు. కమర్షియల్ ఎలిమెంట్స్తో కూడిన పర్ఫెక్ట్ మూవీ అని, మంచి ఎంటర్టైన్మెంట్ను పంచుతుందని ట్వీట్లు చేస్తున్నారు. రష్మిక మందన ఎప్పటిలానే తన పాత్రకు పూర్తి న్యాయం చేసిందట. ఇక వెన్నెల కిషోర్ తన కామెడీతో కడుపుబ్బా నవ్విస్తారట. వెన్నెల కిషోర్, రఘుబాబు కాంబినేషన్లో వచ్చిన కామెడీ సీన్లు అదుర్స్ అని అంటున్నారు. వసూళ్లు అదిరిపోతాయి.. ‘భీష్మ’ సినిమాలో కొన్ని సన్నివేశాలు గత చిత్రాలను గుర్తుచేసినా దర్శకుడు వెంకీ కుడుముల తనదైన కామెడీ, కమర్షియల్ అంశాలతో ప్రేక్షకుడికి ఎక్కడా బోర్ కొట్టించకుండా చేశారని ప్రస్తుతానికి వస్తోన్న టాక్ బట్టి తెలుస్తోంది. సినిమా అయితే పక్కా హిట్టు అని అంటున్నారు. ప్రస్తుతం ‘భీష్మ’కు పోటీగా పెద్ద సినిమా ఏదీ లేదు. కాబట్టి, బాక్సాఫీసు వద్ద వసూళ్లు అదిరిపోతాయి. ఈ సినిమా ప్రపంచ వ్యాప్తంగా రూ.20 కోట్ల ప్రీ రిలీజ్ బిజినెస్ చేసిందని అంటున్నారు. కాబట్టి, ఈ మార్క్ను ‘భీష్మ’ అందుకోవడమే కాదు.. నిర్మాతకు, డిస్ట్రిబ్యూటర్లకు లాభాలు కూడా తెచ్చిపెడతాడు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2SNbNV3
No comments:
Post a Comment