‘సరిలేరు నీకెవ్వరు’ లాంటి బ్లాక్ బస్టర్ తరవాత ఎలాంటి సినిమా చేస్తారో అని ఎదురు చూసిన అభిమానులకు అదిరిపోయే ఫీస్ట్ ఇవ్వబోతున్నారు దర్శకుడు పరశురామ్. మహేష్ బాబుతో పరశురామ్ సినిమా అని ప్రకటించగానే అది క్లాసా, మాసా అనే అనుమానం చాలా మందిలో కలిగింది. అయితే, ‘సర్కారు వారి పాట’ ఫస్ట్ లుక్ పోస్టర్ వచ్చిన తరవాత ఇది కచ్చితంగా పక్కా మాస్ అని అర్థమైపోయింది. ఈ టైటిల్ పోస్టర్ మహేష్ అభిమానులతో పాటు ప్రేక్షకులను విశేషంగా ఆకట్టుకుంది. సగం చూపించిన మహేష్ బాబు లుక్ కూడా కొత్తగా ఉంది. మహేష్ బాబును దర్శకుడు పరశురామ్ కచ్చితంగా కొత్తగా చూపిస్తారు అనే భరోసా ఒక్క పోస్టర్తో కలిగింది. అయితే, మహేష్తో సినిమా చేయడం తన డ్రీమ్ అని చెప్పిన పరశురామ్.. ఈ చిత్రానికి సంబంధించి ప్రతి అంశంలోనూ ఎంతో జాగ్రత్త తీసుకుంటున్నారట. అందుకే, విలన్ ఎంపిక విషయంలోనూ ఆయన చాలా కసరత్తు చేశారని సమాచారం. మొత్తానికి కన్నడ స్టార్ హీరో కిచ్చా పేరును ఫైనల్ చేశారని ఇండస్ట్రీ టాక్. ఇప్పటికే సుదీప్కు పరశురామ్ కథ చెప్పడం, దానికి సుదీప్ గ్రీన్ సిగ్నల్ ఇవ్వడం జరిగిపోయాయని అంటున్నారు. సుదీప్ తెలుగు ప్రేక్షకులకు కొత్తమేకాదు. ‘ఈగ’ సినిమాతో తెలుగు ఆడియన్స్ను కట్టిపడేసిన సుదీప్.. ఆ తరవాత ‘బాహుబలి’, ‘సైరా’ చిత్రాల్లో కీలక పాత్రలు పోషించారు. కేవలం కన్నడ, తెలుగులో మాత్రమే కాకుండా తమిళం, హిందీ సినిమాల్లోనూ సుదీప్ నటిస్తున్నారు. కిందటేడాది, సల్మాన్ ఖాన్ హీరోగా వచ్చిన ‘దబంగ్ 3’లో విలన్గా నటించి సత్తా చాటారు. అలాంటి బహుబాషా నటుడు మహేష్కి విలన్ అంటే కచ్చితంగా తెరపై పోటాపోటీగా ఉంటుంది. మరి, ఈ రూమర్లో నిజమెంతో తెలియాలంటే చిత్ర యూనిట్ అధికారికంగా ప్రకటించేవరకు ఆగాల్సిందే. Also Read: కాగా, మైత్రీ మూవీ మేకర్స్, 14 రీల్స్ ప్లస్, జి.మహేష్ బాబు ఎంటర్టైన్మెంట్ బ్యానర్లపై నవీన్ యెర్నేని, వై.రవిశంకర్, రామ్ ఆచంట, గోపి ఆచంట సంయుక్తంగా నిర్మిస్తున్నారు. ఎస్.థమన్ సంగీతం సమకూరుస్తున్నారు. జి.ఎస్.వినోద్ సినిమాటోగ్రఫీ అందిస్తున్నారు. మార్తాండ్ కె. వెంకటేష్ ఎడిటర్. ఎ.ఎస్.ప్రకాష్ ఆర్ట్ డైరెక్టర్. మిగిలిన నటీనటుల వివరాలను త్వరలోనే వెల్లడిస్తారు. సెప్టెంబర్ నుంచి ఈ చిత్రం సెట్స్పైకి వెళ్లనుంది.
from Telugu Movie News | Movie News in Telugu | Movie Gossips in Telugu https://ift.tt/3dVlysy
No comments:
Post a Comment