తాను ద్విలింగ సంపర్కుడినని (బైసెక్సువల్) సంచలన ప్రకటన చేశారు బిగ్ బాస్ కంటెస్టెంట్, బాలీవుడ్ నిర్మాత వికాస్ గుప్తా. ఆయన ఇన్ స్టాగ్రామ్లో ‘Call Them Out' అనే సిరీస్ను స్టార్ట్ చేసిన తాను బైసెక్సువల్ అని.. అబ్బాయిలతో కూడా ప్రేమలో పడతానని తెలియజేశారు. ఈ సందర్భంగా తనకు ఎదురైన అనుభవాలను షేర్ చేసుకుంటూ.. పార్థ్ సమతాన్, ప్రియాంక్ శర్మ మరియు శిల్పా షిండే పేర్లను వారితో ఉన్న సంబంధాన్ని ప్రస్తావించారు. అలాగే తాను బైసెక్సువల్ కావడం వలన ఎలాంటి ఇబ్బందులు ఎదుర్కొన్నాడో తెలియజేస్తూ సోషల్ మీడియాలో పోస్ట్లు చేశారు వికాస్ గుప్తా. ప్రస్తుతం ఆయన చేసిన ట్వీట్లు సోషల్ మీడియాలో వైరల్ అవుతున్నాయి. దేవుడు ఎలా సృష్టించారో తాను అలాగే ఉన్నానని.. తన ప్రవర్తన వల్ల కుటుంబ సభ్యుల నుంచి ఛీత్కారాలు ఎదుర్కొన్నానన్నారు వికాస్ గుప్తా. చివరికి తన తల్లి కూడా తనను అసహ్యించుకుందని ఆవేదన వ్యక్తం చేశారు. అయినప్పటికీ తనను ద్వేషించే వారిని ప్రేమిస్తూనే ఉంటానని.. అవసరమైతే వాళ్లను తలెత్తుకునేలా చేస్తానని చెప్పారు వికాస్ గుప్తా. ఒకప్పుడు తనతో ఉన్న పార్థ సంతాన్, ప్రియాంక శర్మ ధన్యవాదాలను తెలియజేసిన ఆయన.. వారు చేసిన అవమానాల వల్లే తాను మరింత శక్తివంతంగా తయారయ్యానని తెలియజేశారు. తాను బైసెక్సువల్ అనే విషయాన్ని ఇన్నాళ్లు దాచిపెట్టి ఇబ్బందులు పడ్డానని ఇకపై ఇలాంటి ఇబ్బందులు పడకూడదనే ఈ విషయాన్ని ధైర్యంగా చెప్తున్నానన్నారు. తాను స్త్రీ, పురుషులు ఎవరితోనైనా ప్రేమలో పడతానని ఆ ప్రేమ కూడా స్వార్థపూరితం కాదన్నారు. తనలాంటి వాళ్లు ఎంతో మంది ఉన్నారని.. ఎవరో బెదిరిస్తేనో లేక భయపెడితేనో తాను బై సెక్సువల్ అనే విషయాన్ని చెప్పడం లేదని.. ఇలా చెప్పడానికి గర్వంగా ఫీల్ అవుతున్నానంటూ ఎమోషనల్ వీడియోను ఇన్ స్టాగ్రామ్ ద్వారా షేర్ చేశారు వికాస్ గుప్తా. ప్రస్తుతం ఈ వీడియో వైరల్ అవుతోంది.
from Telugu Movie News | Movie News in Telugu | Movie Gossips in Telugu https://ift.tt/2Va2Aqx
No comments:
Post a Comment