సూపర్ స్టార్ కేవలం సినిమాల్లోనే కాదు నిజ జీవితంలోనూ సూపర్ స్టారే అనే విషయం తెలిసిందే. తన సతీమణి నమ్రత శిరోద్కర్తో కలిసి ఎన్నో సామాజిక సేవా కార్యక్రమాలు చేస్తుంటారు మహేష్ బాబు. ఇప్పటికే ఈ శ్రీమంతుడు తెలుగు రాష్ట్రాల్లో రెండు పల్లెటూళ్లను దత్తత తీసుకుని సొంత ఖర్చుతో అక్కడ అభివృద్ధి కార్యక్రమాలు చేపడుతున్న సంగతి మనందరికీ తెలుసు. దీంతోపాటు నిరుపేద చిన్నారుల ఆరోగ్యంపై దృష్టి సారించిన ఈ సైనికుడు.. ఆంధ్రా హాస్పిటల్స్ సహకారంతో చిన్నారులకు హార్ట్ ఆపరేషన్స్ చేయిస్తూ నిరుపేదల గుండెల్లో గూడు కట్టుకుంటున్నారు. ఇప్పటికే 1000కి పైగా చిన్నారులకు హార్ట్ సర్జరీలు చేయించి రియల్ హీరో అనిపించుకున్నారు మహేష్ బాబు. ఆయన చేసే ఈ బృహత్తర సేవా కార్యక్రమాలకు మహేష్ సతీమణి నమ్రత సహాయ సహకారాలు, అండదండ ఎప్పటికీ ఉంటాయనేది అందరికీ తెలిసిన వాస్తవం. ఈ క్రమంలోనే తాజాగా ఆంధ్రా ఆసుపత్రిలో ఇద్దరు చిన్నారుల హార్ట్ ఆపరేషన్ సక్సెస్ కావడంతో వారి ఫోటోలు షేర్ చేస్తూ తన సోషల్ మీడియా ఖాతా ద్వారా ఎమోషనల్ కామెంట్స్ చేసింది నమ్రత. Also Read: ''నా హృదయాన్ని కదిలించేలా ఆంధ్ర హాస్పిటల్తో సంబంధం కలిగి ఉండటం ఎంతో గర్వకారణం. చిన్న పిల్లల డాక్టర్ పి.వి.రామారావు, అతని డాక్టర్స్ బృందం ఇద్దరు చిన్నారులకు ఊపిరి పోశారు. భవ్య శ్రీ, సింధు కోలుకున్నారని.. ఆరోగ్యంగా ఉన్నారని తెలిసి చాలా సంతోష పడుతున్నాం. ఆ ఇద్దరు చిన్నారులు వారి కుటుంబాలకు దీవెనలు. సురక్షితంగా, హాయిగా ఉండండి'' అని నమ్రత పేర్కొంది. ఈ పోస్ట్ చూసిన సూపర్ స్టార్ ఫ్యాన్స్ మహేష్ దంపతుల సామాజిక స్పృహను తెగ పొగిడేస్తూ కామెంట్స్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3kT624m
No comments:
Post a Comment