తొడకొట్టు నాన్నా.. నీ కొడుకు బిగ్ బాస్ హౌస్కి కెప్టెన్ అయ్యాడు అంటూ సింగర్ నోయల్ రెండోసారి కెప్టెన్ అయిన సందర్భంగా బిగ్ బాస్ హౌస్లో తొడకొట్టాడు. ఆరువారాల బిగ్ బాస్ ఆటలో రెండు వారాలు పాటు హౌస్కి కెప్టెన్గా ఉన్నారు నోయల్. ఈ సీజన్లో రెండుసార్లు కెప్టెన్ అయిన కంటెస్టెంట్ నోయల్. అయితే ప్రస్తుతం సీజన్ 4లో చాలా మంది కొత్త వాళ్లే అయినప్పటికీ నోయల్ అందరికీ సుపరిచితమే. ర్యాప్ సింగర్గా అనేక సినిమాల్లో పాటలు పాడిన నోయల్.. కుమారి 21f, నాన్నకు ప్రేమతో, రంగస్థలం, పడి పడిలేచె మనసు, హలోగురూ ప్రేమ కోసమే వంటి చిత్రాల్లో నటించి తెలుగు ప్రేక్షకులకు చేరువయ్యాడు. అయితే బిగ్ బాస్ హౌస్లోకి వచ్చిన తరువాత నోయల్ ఆటతీరు ఆశించిన స్థాయిలో లేకపోవడంతో పాటు.. సింపథీ కోసం సేఫ్ గేమ్ ఆడుతున్నాడంటూ విమర్శలు వచ్చాయి. ఇవన్నీ పక్కనపెడితే.. గతవారంలో బిగ్ బాస్ ఇంటి సభ్యులు తమ పర్సనల్ విషయాలను షేర్ చేసుకునే అవకాశం ఇచ్చారు బిగ్ బాస్. దీనిలో భాగంగా.. తమ పర్సనల్ విషయాలను చెప్పుకుని ఎమోషనల్ అయ్యారు. వారి వారి బ్యాగ్రౌండ్, లైఫ్ స్ట్రగుల్స్ చెప్పుకుని భావోద్వేగానికి గురయ్యారు. ఇక నోయల్ వంతు రావడంతో మా అమ్మ అందరి ఇళ్లల్లో పని చేసేదని.. నాన్న రకరకాల పనులు చేసేవాడని చెప్పాడు. ఇస్త్రీ, మేస్త్రీ పని చేస్తూ డబ్బులు సంపాదించేవాడు అని తన ఫ్యామిలీ బ్యాగ్రౌండ్ గురించి చెప్పాడు. అయితే అయ్యో నోయల్ ఇంత పూర్ బ్యాగ్రౌండ్ నుంచి వచ్చారా? అని అతని ఫాదర్, ప్రొఫెషన్ గురించి నెటిజన్లు సెర్చ్ చేయగా.. నోయల్ ఫాదర్ సామ్యూల్ డిటైర్డ్ డిఫెన్స్ ఉద్యోగి అని వికీపీడియాలో వివరంగా ఉంది. దీంతో నోయల్ సింపథీ కోసం ఇంత అబద్ధం ఆడతాడా? అంటూ ఏకిపారేస్తున్నారు. తండ్రి డిఫెన్స్ ఉద్యోగి అయితే ఇస్త్రీ చేసేవాడని చెప్పి సంపథీ పొందాలని చూస్తాడా? అంటూ వికీపీడియా స్క్రీన్ షాట్స్ తీసి సోషల్ మీడియాలో నోయల్ని ట్రోల్ చేస్తున్నారు. ఈ ఇష్యూపై అసలు నోయల్ తండ్రి కూలీనా? లేక డిఫెన్స్ ఉద్యోగినా?.. డిఫెన్స్ ఉద్యోగి అయితే నోయల్ ఎందుకు అలా చెప్పారు? అన్న విషయాలపై నోయల్ తమ్ముడు జోయల్ని సంప్రదించింది ‘సమయం తెలుగు’. దీనిపై వివరణ ఇచ్చిన జోయల్.. తన అన్నపై కావాలనే కొంతమంది తప్పుడు ట్రోలింగ్స్ చేస్తున్నారని వికీపీడియాని ఎవరైనా ఎడిట్ చేయొచ్చని దాన్ని తీసుకుని ఇలా ట్రోల్ చేయడం కరెక్ట్ కాదని చెప్తున్నారు జోయల్. నోయల్ తమ్ముడు జోయల్ మాట్లాడుతూ.. ‘మా అన్నయ్య నోయల్ అబద్ధం చెప్పలేదు.. నిజంగానే మా నాన్న ఇస్త్రీ పని చేసేవారు.. ఇదిగో ప్రూఫ్ (తన తండ్రి ఇస్త్రీ పని చేసిన ఫొటోని ఇన్ స్ట్రాగ్రామ్లో షేర్ చేశారు) కానీ ఆ తరువాత నాన్నకు డీఆర్డీవో (Defence Research and Development Organisation - DRDO)లో జాబ్ వచ్చింది. మొదట్లో అయితే ఇస్త్రీ, కూలీ చేసేవారు. డీఆర్డీవో అంటే నాన్న సైంటిస్ట్నో.. ఆఫీసర్నో.. ఆర్మీనో అనుకోవచ్చు. కానీ నాన్న డీఆర్డీఏలో సెక్యురిటీ మాత్రమే.. అయినా అన్నయ్య నాన్న గురించి చెప్తూ నాన్న జాబ్ ట్రైల్స్లో ఉన్నప్పుడు ఇస్త్రీ పని చేసేవాడని క్లియర్గా చెప్పాడు.. కానీ కావాలనే తప్పుడు సమాచారంతో ట్రోల్ చేస్తున్నారు.. పైగా నోయల్కి పీఆర్ టీం ఉందని తప్పుడు ప్రచారంచేస్తున్నారు.. అన్నయ్యకు పీఆర్ టీం లేదు.. నేను సోషల్ మీడియాలో పోస్ట్లు చేస్తున్నా’ అంటూ అసలు విషయం చెప్పాడు జోయల్. ఇక నోయల్ హౌస్ ఫిజికల్ టాస్క్లలో సరిగా పెర్ఫామ్ చేయడం లేదు.. కావాలనే టాస్క్ల నుంచి తప్పుకుంటున్నాడు.. మాట్లాడితే గాలి గాయం.. హెల్త్ బాలేదని అంటున్నాడు లాంటి విమర్శలపై కూడా వివరణ ఇచ్చాడు జోయల్. ‘మా అన్నయ్యకు ఆర్థరైటిస్ ఉంది.. ఏసీలో పడుకుంటే ఎక్కువ పెయిన్ వచ్చేస్తుంటుంది. అందుకే కాలు వాస్తూ ఉంటుంది.. దానివల్లే అన్నయ్య బయట పడుకుంటున్నాడు’ అంటూ చెప్పుకొచ్చాడు నోయల్ తమ్ముడు జోయల్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2T8HeIF
No comments:
Post a Comment