లాక్డౌన్ సమయంలో వేలాది మందికి సాయం చేసి రియల్ హీరోగా అవతరించారు సినీనటుడు . వలస కూలీలను సొంత ఖర్చుతో స్వస్థలాలకు పంపించడంతో పాటు కష్టంలో ఉన్న మరెందరికో నేనున్నానంటూ ముందుకొచ్చి సాయం చేశారాయన. ఎవరైనా ఆపదలో ఉన్నామంటూ ఒక్క ట్వీట్ చేస్తే చాటు వెంటనే సాయం చేస్తున్నారు. అయితే పళ్లున్న చెట్లకే రాళ్ల దెబ్బలన్నట్లు ఎందరికో ఆపద్భాందవుడిగా మారిన సోనూసూద్ని కూడా విమర్శించే వాళ్లున్నారు. ఈ క్రమంలోనే ఆయన చేసే సాయమంతా ఫేక్ అంటూ విమర్శించిన ఓ నెటిజన్ను సోనూసూద్ స్ట్రాంగ్ కౌంటర్ ఇవ్వడం ఇప్పుడు చర్చనీయాంశమైంది. `కొత్త ట్విటర్ అకౌంట్. ఇద్దరు ముగ్గురు ఫాలోవర్లు. తన వైద్యానికి సహాయం చేయలంటూ ఒకే ఒక ట్వీట్. కనీసం సోనూను ట్యాగ్ కూడా చేయలేదు. లొకేషన్ చెప్పలేదు. కాంటాక్ట్ డిటైల్స్, ఈ మెయిల్ అడ్రస్ ఇవ్వలేదు. అయినా ఆ ట్వీట్కు సోనూ రిప్లై ఇచ్చాడు. ఇదెలా సాధ్యమో తెలియడం లేదు. అలాగే గతంలో సాయం కోరుతూ గతంలో చాలా ట్విటర్ హాండిల్స్ నుంచి వచ్చిన ట్వీట్లు ఇప్పుడు డిలీట్ అయిపోయాయి’ అంటూ ఓ నెటిజన్ కామెంట్ చేశాడు. ఈ కామెంట్కి స్పందించిన సోనూసూద్... ‘అదే గొప్ప విషయం బ్రదర్. ఇబ్బందుల్లో ఉన్న వారిని నేను గుర్తిస్తా. వారు నన్ను ఆశ్రయిస్తారు. అది చిత్తశుద్ధికి సంబంధించినది. అలాంటివి నీకు అర్థం కావు. రేపు పేషెంట్ ఎస్ఆర్సీసీ హాస్పిటల్లో ఉంటాడు. నీకు సాయం చేయాలనిపిస్తే చేయి. అతడికి కొన్ని పండ్లు పంపించు. ఎంతో మంది ఫాలోవర్లు ఉన్న వ్యక్తి ప్రేమకు ఇద్దరు ఫాలోవర్లు ఉన్న వ్యక్తి చాలా సంతోషిస్తాడు` అని గట్టిగా సమాధానమిస్తూనే ఆ రోగి వివరాలను కూడా సోనూ షేర్ చేశారు. Also Read:
from Telugu Movie News | Movie News in Telugu | Movie Gossips in Telugu https://ift.tt/2TrX6WT
No comments:
Post a Comment