ఒకప్పటి హీరోయిన్ నిరోష.. మీకు గుర్తుందా. అదేనండి సీనియర్ నటి రాధిక చెల్లెలు. ఇంకా గుర్తుకురావడం లేదా.. ‘సింధూర పువ్వు’ హీరోయిన్. ఇప్పుడు గుర్తొచ్చే ఉంటుంది. బాలకృష్ణతో ‘నారీ నారీ నడుమ మురారి’, చిరంజీవితో ‘స్టువర్టుపురం పోలీస్ స్టేషన్’ లాంటి సినిమాల్లో నటించిన ఈ బ్లాక్ బ్యూటీ తెలుగులో హీరోయిన్గా సరైన గుర్తింపు దక్కించుకోలేకపోయినా తమిళంలో మాత్రం బాగానే రాణించింది. తనతో పాటు అనేక చిత్రాల్లో నటించిన నటుడు రాంకీని పెళ్లి చేసుకున్న నిరోష ఆ తర్వాత కూడా సినిమాల్లో నటిస్తూ వచ్చింది. అయితే ‘సింధూర పువ్వు’ సినిమాకు సంబంధించి రాంకీ, నిరోషకు సంబంధించిన ఓ ఆసక్తికరమైన సంఘటన గురించి తెలుసుకుందాం. 1988లో డైరెక్టర్ దేవరాజ్ ఓ అద్భుతమైన ప్రేమకథను తెరకెక్కించేందుకు ప్లాన్ చేసుకుని రాంకీని హీరోగా సెలక్ట్ చేశారు. అప్పట్లో స్టార్ హీరోయిన్గా కొనసాగుతున్న రాధిక చెల్లెలు నిరోషను చూసి హీరోయిన్గా తీసుకుందామనుకున్నారట. ఆమె ఫోటోను చూసి షాకైన రాంకీ.. పనిపిల్లగా ఉన్న ఈ అమ్మాయిని హీరోయిన్గా ఎలా తీసుకుంటారని డైరెక్టర్గా వాదించాడట. అయితే నిరోషపై నమ్మకం పెట్టుకున్న దేవరాజ్.. ఆమె నిజంగా టాప్ హీరోయిన్ అవుతుందని చెప్పి ఆ సినిమాకు ఆమెను ఎంపిక చేశారట. 1988లో ప్రారంభమైన ‘సింధూ పూవే’ సినిమా శరవేగంగా షూటింగ్ పూర్తి చేసుకుని అదే ఏడాది విడుదలైంది. తెలుగులో డబ్బింగ్ చేసి ‘సింధూర పువ్వు’గా విడుదల చేశారు. ఎలాంటి అంచనాలు లేకుండా రిలీజైన ఈ సినిమా తమిళ, తెలుగు భాషల్లో సంచలన విజయం సాధించింది. అప్పటి స్టార్ హీరో విజయ్కాంత్ ప్రత్యేక పాత్రలో కనిపించడం ఈ చిత్రాన్ని మరో మెట్టు ఎక్కించింది. ఇందులోని ‘సింధూర పువ్వా.. నీవే చిందించరావా’ అనే పాట ఎంతగానో ఆకట్టుకుంది. ఈ చిత్ర విజయంతో నిరోష లక్కీ హీరోయిన్గా ముద్ర పడింది. తన సినిమాలో ఆమె వద్దని చెప్పిన రాంకీయే ఆమెతో వరుస సినిమాలు చేశారు. వీరిద్దరు కలిసి నటించిన ఏడు సినిమాలు శతదినోత్సవాలు జరుపుకున్నాయంటేనే వీరి జంటను ప్రేక్షకులు ఎంతలా ఆదరించారో తెలుసుకోవచ్చు. ఈ క్రమంలోనే వీరిద్దరి మధ్య ప్రేమ చిగురించి వివాహ బంధంతో ఒక్కటయ్యారు. రాంకీ ఈ మధ్యకాలంలో వచ్చిన ‘ఆర్ఎక్స్100’ సినిమాలో కీలక పాత్రలో నటించిన సంగతి తెలిసిందే.
from Telugu Movie News | Movie News in Telugu | Movie Gossips in Telugu https://ift.tt/34tMOfu
No comments:
Post a Comment