పవర్ స్టార్ కొత్త సినిమాకు సంబంధించిన మరో కొత్త అప్ డేట్ వచ్చింది. పవన్ క్రిష్ కాంబినేషన్లో సినిమా వస్తున్న విషయం తెలిసిందే. అయితే ఆ సినిమాకు సంబంధించిన టైటిల్ ఒకటి ఇప్పుడు సోషల్ మీడియాలో చక్కర్లు కొడుతోంది. ఇక పవన్ కళ్యాణ్కు ఫ్యాన్ ఫాలోయింగ్ మామూలుగా ఉండదు. పవన్ సినిమా వస్తుందంటే చాలు.. టైటిల్ నుంచి ట్రైలర్ వరకు ఆసక్తిగా ఎదురు చూస్తుంటారు. దీంతో పవన్ కొత్త సినిమాకు సంబంధించి ఆయన ఫ్యాన్స్ తమకు తోచిన టైటిల్స్ను డిజైన్ చేసి ప్రచారం కూడా చేస్తున్నారు. ఈ క్రమంలో క్రిష్ దర్శకత్వంలో పవన్ కల్యాణ్ నటించే చిత్రం టైటిల్ పట్ల కూడా అభిమానుల్లో ఎంతో ఆసక్తి, కుతూహలం నెలకొన్నాయి. అయితే పవన్ కొత్త సినిమా టైటిల్ను ఆయన పుట్టినరోజు సెప్టెంబర్ 2న ప్రకటించనున్నట్లు సమాచారం. డైరెక్టర్ క్రిష్ అదే రోజు కొత్త సినిమా టైటిల్ ప్రకటిస్తారని తెలుస్తోంది. టైటిల్ అనౌన్స్ మెంట్ కి హీరో బర్త్ డేను మించిన రోజు మరొకటి ఉండదని, ప్రేక్షకులలోకి బాగా చొచ్చుకుపోతుందని ఆయన భావిస్తున్నారు. ఆ రోజు టైటిల్ తో పాటు ఫస్ట్ లుక్ ను కూడా రిలీజ్ చేస్తారని సమాచారం. అయితే పవన్ క్రిష్ కాంబినేషన్లో వస్తున్న ఈ చిత్రం కోసం 'విరూపాక్ష' అనే టైటిల్ని పరిశీలిస్తున్నట్టు ప్రచారం కూడా జరుగుతోంది. ఈ చిత్రాన్ని స్వాతంత్ర్యం పూర్వం నాటి కథతో పిరీడ్ మూవీగా నిర్మిస్తున్నారు. ఇదిలా వుంచితే, మరోవైపు పవన్ నటిస్తున్న 'వకీల్ సాబ్' చిత్రం బ్యాలెన్స్ చిత్రీకరణ వచ్చే నెలలో ప్రారంభం కావచ్చని సమాచారం. ప్రస్తుతం పవన్ హిందీ సినిమా పింక్ రిమేక్లో నటిస్తున్న విషయం తెలిసిందే. దీనికి వకీల్ సాబ్ అనే టైటిల్ కూడా ఖరారుచేసింది. ఇందులో పవన్కు సంబంధించిన కొన్ని లేటెస్ట్ పిక్స్ కూడా బయటకు వచ్చాయి.
from Telugu Movie News | Movie News in Telugu | Movie Gossips in Telugu https://ift.tt/32yDPJ9
No comments:
Post a Comment