ప్రస్తుతం సినీ ఇండస్ట్రీని డ్రగ్స్ భూతం వణికిస్తోంది. బాలీవుడ్, శాండిల్వుడ్లలో ఇప్పటికే కొందరు సినీ తారలు అరెస్ట్ కావడం ప్రకంపనలు సృష్టిస్తోంది. బాలీవుడ్ యువ నటుడు సుశాంత్ సింగ్ మరణం తర్వాత అనూహ్యంగా డ్రగ్స్ కోణం తెరపైకి వచ్చి సంచలనంగా మారింది. నార్కోటిక్స్ కంట్రోల్ బ్యూరో అధికారులు సుశాంత్ ప్రేయసి రియాను అదుపులోకి తీసుకొని విచారిస్తుండగా ఆమె రకుల్ సహా పలువురు సినీ ప్రముఖుల పేర్లు బయటపెట్టిందని తెలియడంతో టాలీవుడ్ ఇండస్ట్రీ సైతం బిత్తరపోయింది. ఈ పరిస్థితుల్లో తాజాగా హీరోయిన్, బీజేపీ నేత టాలీవుడ్ పార్టీల్లో డ్రగ్స్ వాడకంపై సంచలన కామెంట్స్ చేయడం తీవ్ర కలకలం రేపుతోంది. గతంలోనే అత్యంత సాధారణమని, నార్కోటిక్స్ బ్యూరో తెలుగు చిత్ర పరిశ్రమపైనా ఓ కన్ను వేయాలని సంచలన వ్యాఖ్యలు చేసిన మాధవీలత మరోసారి అదే విషయాన్ని బల్లగుద్ది చెప్పింది. సుశాంత్ మృతితో డ్రగ్స్ విషయం బయటపడడం మంచిదేనని, ఈ సారైనా గతంలో వలె కాకుండా డ్రగ్స్ కోణాన్ని దాని వెనుక ఉన్న మాఫియాను లోతుగా తెలుసుకొని నిజాలు వెలికి తీయాలని ఆమె కోరింది. Also Read: ఇక బాలీవుడ్లో డ్రగ్స్ వాడకం రహస్యమేమీ కాదని చెప్పిన మాధవీలత.. టాలీవుడ్ పార్టీల్లోనూ డ్రగ్స్ అత్యంత సర్వసాధారణమైన విషయమని చెప్పింది. ఈ విషయంలో తెలంగాణ ఎన్సీబీ అధికారులు దృష్టిసారిస్తే మంచిదని తెలిపింది. అదేవిధంగా డ్రగ్స్ వెనుక పెద్ద మాఫియా ఉందని, పెద్ద హీరోల పేర్లు చెబితే తమ ప్రాణాలకే ప్రమాదమని అధికారులు భావిస్తున్నట్లు పేర్కొంది. అందుకే కేవలం అమ్మాయిలనే టార్గెట్ చేసి వాళ్ళ పేర్లే బయటకు తీస్తున్నారు తప్ప.. అబ్బాయిల పేర్లు బయటపెట్టడం లేదంటూ సెన్సేషనల్ కామెంట్స్ చేసింది మాధవీలత. లాక్డౌన్ సమయంలోనూ హైదరాబాద్లో చాలా చోట్ల డ్రగ్స్ పార్టీలు జరిగాయని ఆమె చెప్పుకొచ్చింది. డ్రగ్స్ను ఇక్కడి వారు ఎలా దుర్వినియోగం చేస్తున్నారో తాను కళ్లారా చూసినా దీని వెనుక పెద్ద మాఫియా ఉందని తెలిసే ఇన్నాళ్లూ తానీ విషయం గురించి బయట ఎక్కడా మాట్లాడలేదని మాధవీలత పేర్కొంది. బాలీవుడ్లో నార్కోటిక్స్ అధికారులు చేస్తున్న విచారణను చూసిన తర్వాతే తిరిగి నోరు విప్పానని ఆమె చెప్పింది. డ్రగ్స్ తీసుకుంటున్న సెలబ్రిటీలు ఓ సారి వారిని వారే ప్రశ్నించుకోవాలని మాధవి పేర్కొంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2RnNwTZ
No comments:
Post a Comment