RRR: అసంతృప్తి వ్యక్తం చేసిన శ్రియ.. ఎన్టీఆర్, రామ్ చరణ్‌లతో ఛాన్స్ దొరకలేదంటూ ఓపెన్ కామెంట్స్

టాలీవుడ్ నుంచి రాబోతున్న మరో భారీ సినిమా RRR. 'బాహుబలి' లాంటి బిగ్గెస్ట్ హిట్ తర్వాత దర్శకధీరుడు రాజమౌళి తెరకెక్కిస్తున్న సినిమా కావడం పైగా యంగ్ హీరోలు , రామ్ చరణ్ ఈ మూవీలో నటిస్తుండటంతో అశేష ప్రేక్షకలోకం ఈ సినిమా కోసం వేయికళ్లతో ఎదురుచూస్తోంది. ఎప్పుడైతే రాజమౌళి RRR మూవీని అనౌన్స్ చేశారో అప్పటినుంచే జనాల్లో ఈ మూవీపై చర్చలు మొదలయ్యాయి. మెగా, నందమూరి అభిమానులు పెట్టుకున్న భారీ అంచనాల నడుమ రూపొందుతున్న ఈ సినిమాపై తాజాగా సీనియర్ హీరోయిన్ స్పందిస్తూ తన అసంతృత్తి వ్యక్తం చేసింది. RRR సినిమాలో తాను కూడా భాగం కాబోతున్నట్లు ఇటీవలే స్వయంగా ప్రకటించిన శ్రీయ.. తాను ఫ్లాష్ బ్యాక్ ఎపిసోడ్‌లో కనిపించనున్నట్లు తెలిపిన సంగతి తెలిసిందే. ఈ క్రమంలో తాజాగా మరోసారి రియాక్ట్ అయిన ఈ ముద్దుగుమ్మ 'ఛత్రపతి' సినిమా తర్వాత మళ్ళీ రాజమౌళి గారితో పనిచేయడం ఆనందంగా ఉందని చెప్పింది. RRRలో అజయ్ దేవ్‌గణ్‌తో కలిసి నటించబోతున్నానని, ఆయన గొప్ప నటుడు పైగా మర్యాదపూర్వకమైన మనిషి అని తెలిపింది. అయితే ఇందులో తారక్, రామ్ చరణ్‌లతో కలిపి ఒక్క సన్నివేశం కూడా లేకపోవడం తనకు అసంతృప్తి కలిగించిందని శ్రియ ఓపెన్ అయింది. కాకపోతే ఈ మూవీ చెర్రీ, ఎన్టీఆర్ పాత్రలు ఎంతో అద్భుతంగా చిరకాలం నిలిచిపోయేలా ఉంటాయని ఆమె చెప్పింది. Also Read: లాక్‌డౌన్ కంటే ముందే 80 శాతం మేర షూటింగ్ ఫినిష్ చేసిన జక్కన్న.. కరోనా కారణంగా గత నాలుగు నెలలకు పైగా షూటింగ్ ఆపేశారు. RRR అంటే ‘రౌద్రం రణం రుధిరం’ అని పేర్కొంటూ సినిమాపై మరింత హైప్ తీసుకొచ్చారు మేకర్స్. 1920 బ్యాక్‌డ్రాప్‌లో ఫిక్షన్ కథాంశంతో డీవీవీ దానయ్య నిర్మాణంలో భారీ బడ్జెట్ కేటాయించి పాన్ ఇండియా సినిమాగా ఈ మూవీని రూపొందిస్తున్నారు. చిత్రంలో ఆలియా భట్, ఒలీవియా మోరిస్ హీరోయిన్లుగా నటిస్తుండగా, అజయ్ దేవగన్ కీలకపాత్ర పోషిస్తున్నారు. కొమురం భీంగా ఎన్టీఆర్, అల్లూరి సీతారామరాజుగా రామ్ చరణ్ చరిత్రలో నిలిచిపోయే పాత్రలు చేస్తున్నారు. త్వరలోనే మిగిలిన భాగం ఫినిష్ చేసి వచ్చే ఏడాది జనవరి 8న ఈ మూవీని ప్రేక్షకుల ముందుంచాలనేది జక్కన్న ప్లాన్.

from Telugu Movie News | Movie News in Telugu | Movie Gossips in Telugu https://ift.tt/2FfhFTd