ఆ సూపర్ స్టార్ నన్ను, మీరా జాస్మిన్‌ను కలిపి సెట్‌లోనే దారుణంగా.. టార్చర్! ఓపెన్ అయిన యంగ్ హీరోయిన్

సినీ ఇండీస్ట్రీకి సంబంధించి ఒక్కొక్కటిగా బయటకొస్తున్న విషయాలు సంచలనం సృష్టిస్తున్నాయి. ఇండస్ట్రీలో నెపోటిజం, క్యాస్టింగ్ కౌచ్, బడా హీరోల తీరు.. వీటన్నింటిపై నటీనటులు ఓపెన్ అవుతుండటంతో జనం షాకవుతున్నారు. కాగా ఇటీవల జరిగిన ఓ ఇంటర్వ్యూలో మలయాళీ ఫైర్ బ్రాండ్, హీరోయిన్ ఓ స్టార్ హీరో గురించి చెబుతూ మీడియా ముఖంగా ఆయన తీరుపై ఆగ్రహం వ్యక్తం చేసింది. ఎలాంటి దాపరికం లేకుండా కుండబద్దలు కొట్టినట్టు మాట్లాడే పార్వతి తిరువోతు.. మలయాళ సూపర్‌స్టార్లలో ఒకరైన స్టార్ హీరో సెట్లోనే తనతో చాలా దారుణంగా వ్యవహరించారని పేర్కొంటూ ఫైర్ అయింది. ఆయన అలా ప్రవర్తించడానికి కారణాలేంటో తెలియదు కానీ.. ఎప్పుడూ ఎవరినో ఒకరిని టార్గెట్ చేస్తూనే మాట్లాడేవారని, సెట్లో ఉన్నంత సేపు అసహనంతో ఊగిపోయేవారని పార్వతి చెప్పింది. Also Read: ఇటీవల ఆయనతో కలిసి పనిచేశానని, ఆ సందర్భంలో తనతో ఆయన వ్యవహరించిన తీరుకు చాలా బాధేసిందంటూ ఆవేదన చెందింది. షూటింగ్ జరిగినన్ని రోజులు ఆయనతో టార్చర్ అనుభవించానని చెప్పుకొచ్చింది పార్వతి. ఓ సారి హీరోయిన్ మీరా జాస్మిన్ గురించి తప్పుగా మాట్లాడరని తెలిపింది. తనకు, మీరాకు టాలెంట్ లేదని.. కేవలం దర్శకుల ప్రతిభ కారణంగానే మీకు విజయాలు అందాయని ఆయన అనడంతో షాక్ అయ్యాయని చెప్పింది. అంతేకాదు మా ఇద్దరికి ఏదో మానసిక రుగ్మత ఉందని కూడా ఆయన అన్నాడని తెలిపింది. పెద్ద హీరోనే అయినా ఆయనలో తన స్థాయికి తగ్గ ప్రవర్తన కనిపించలేదని చెప్పిన పార్వతి.. ఆ సూపర్ స్టార్ ఎవరనేది మాత్రం వెల్లడించలేదు. మలయాళ చిత్ర పరిశ్రమలో తన లాగా ముక్కుసూటిగా మాట్లాడే వారిని తొక్కేస్తారని, మతిస్థిమితం లేదని ముద్రవేసి అవకాశాలు ఇవ్వరని ఆమె చెప్పడం సంచలనం సృష్టిస్తోంది.

from Telugu Movie News | Movie News in Telugu | Movie Gossips in Telugu https://ift.tt/2EHQmAC